Wuchodźowanje po parku
Na 20 hektarow wulkim arealu móžeće sej sydom parkowych wobłukow wobhladać: kamjenjowu zahrodu, hatnu zahrodu, holansku zahrodu, wysoke bahno, lěsny jězor, skalnu zahrodu, Mału Skandinawisku. Na najwyšim dypku steji pólne znamjo. Wottudy maće šěroki wid do Łužicy. Trochu schowana w dole leži „Pusćina“, z lubosću zhotowjene dźěćace hrajkanišćo.
Dožiwjenje parka přez mosty a pahórčiny, nimo rěčkow a wódnych kaskadow, přez kamjenjowe zahrody a holansku krajinu započina a skónči so w modernym wopytowarskim centrumje. W kafeteriji pod třěchu, wobdatej wot miniaturnych zahrodow, móžeće swój wopyt w parku měrnje wuklinčeć dać.
Kćějata zahroda
Park błudźenkow je tak zapołoženy, zo zakćěwa blečk po blečku.
| w nalětniku: | zymski wrjós, alpske fijałki, krokusy, narcisy, dźiwje tulpy |
| w jutrowniku: | posledni zymski wrjós, poslednje narcisy, dźiwje tulpy, łyknowc, horiwka, prěnje zawki tworjace płomjenjowki, prěnje rododendry |
| w róžowniku: | rododendry, zawki tworjace płomjenjowki, poslednje dźiwje tulpy, orchideje, lewisije abo pórclinki, prěnje zawki tworjace naliki, prěnje babyduški, módrojazykojty kobołk, prěnje družiny želbije |
| w smažniku: | dźiwje škleńčicy, orchideje, lewisije abo pórclinki, šlewjernički, babyduški, wšelake družiny kobołka, wšelake družiny želbije, trawy, prěnje kakteje, sydmihórski wrjós, irski wrjós, šěry wrjós, dźiwizny |
| w pražniku: | babyduški, kobołki, dźiwizny, wšelake družiny želbije, trawy, dźiwje róže, lěwanćik, irski wrjós, šěry wrjós, prěnje lěćne wrjosy, kakteje |
| w žnjencu: | lěćne wrjosy, irski wrjós, šěry wrjós, babyduški, kobołki, trawy, wšelake družiny želbije, domoródny wrjós |
| w požnjencu: | lěćny wrjós, wšelake družiny želbije, nazymske alpske fijałki, prěnje nazymske asterki, lisćo so pisani, trawy |
| we winowcu: | lěćny wrjós, nazymske alpske fijałki, lisćo so pisani, pózdnički, nazymske asterki, trawy |
| w nazymniku: | posledni lěćny wrjós, prěni zymski wrjós, lisćo so pisani, trawy |
